Maani pisiassat sananeqaataat apeqqutaallutik uuttortarfissat assigiinneq ajorput. Iluatigut atisatut ittuunerupput, inuillu timigut tamarmik assigiinngimmata uuttortarnerit apeqqutaallutik angissuseq ilinnut tulluarnerusoq uuttortarlutit nassaarilluarnerussavat. Assersuutigalugu ulluinnarni Large atortarukku pisiariniakkavit angissusaa 4xl-iusinnaavoq, apeqqutaalluni sorliunersoq. Pisileruit atisat atortakkavit angissusaat apeqqutaanani pisiassavit uuttortarfissai apeqqutaallutik angissusilerneqassaaq.
Qulaani assimi takusinnaavat pisiassat ilaata uuttortarfissai, pisiassaq iserfigalugu assitaani sorliit uuttortassanerlugit nassaarikkit, assimi arnap timaani ABC takusinnaavatit, taakkuuppullu uuttortarfissat. Pisiassat ilai B kisimi uuttortarfissaasarpoq imaluunniit A-C
Uuttortaleruit atisaqarnak pitsaaneruvoq. Uuttortaat sukangavallaarnanilu qasungavallaassanngilaq. Malugiuk aamma nereqqammeruit pullanganerusussaagavit, anginaartoorsinnaallugulu pisiariniakkat. Nereqqammertinnak uuttortartarit.
- A Iviangit ataani, soorlu bh kaajallallugu angissusaa naninialeraangatsigu uuttortarfigisartagarput.
- B Qitip saannerpaaffigisartagaa, qalatsip qulaatungaani. Inussat marluk qalasinniit qummut inissikkukkit nanissavat.
- C Uppatit qulaani. Qalatsip ataatungaani, inussat sisamat qalasivit ataanut inissikkukkit nassaarissavat.
Uuttortaat kaajallallugu inissinnerani equngatinnginnerlugu misissoqqaaruk.