Sanigorsaatit assigiinngitsorpassuit misilittartaraluarlugit anguniakkat soorlu ungasilligaluttuinnartoq. Nalunngilat pitsaanermik aqqutissaqartoq - Sunaavali?
Timivit nuannarileqqinnissaanut piareersimaguit - atuaannarit!
Naartoreerninni sanigoqqinneq ajulerpit?
Diastasis Recti
Amerlasuut nalusarpaat naartunerminni naami nukiit avissaarsimasinnaaneri, taamaalillutik kukkusumik naatik nukkassartorsinnaallugit avissaanganeri uterteqqinngitsoorlugit. Naartuninni naavit nukii avissaarsimappata naap qitillu nalaanni sanigoqqinnissaq angujuminaassinnaavoq. Atisat nuannarisat atorusukkaluarlugit "kipparissutut ammalortutulluunniit" iluseqanngitsutut misigineq, timersoraluarluni naaq kusatsivinneq ajortoq imaluunniit timersornissamut piffissaaleqineq sanigorsariaatsinillu iluaqutaanngitsunik misiliigaluartarneq neriuutaarutsitsisarpoq tunniutiinnarnermillu kinguneqakkajulluni.
Aqqutissaqarpoq
Naap qitillu nalaani imeq uninngaannalernikoq katagarnerani nukiillu avissaarsimasut uterteqqikkiartornerini, timigissiartoqqinneq ilusigissiartoqqinnerlu imminut tatigineruleqqinnermik nuannarileqqinnermillu tunisisarpoq piumassuseqalersitseqqillunilu. Qitip peqingatittoortarneranut sukattooqqanerit naartunermilu qiterluttalersimagaanni anniartarnerit annikilliartornerini sinilluartalernerit, qiimaneruleriartorneq nukissaqarnerulernerlu takussitissaasarput.
Uanga misigisara
Unnuk ataasiinnaanngitsoq itertalerpunga qiterlungaarama qupinnguallattutut illunga. Sinilluartarninnut ajoqutigileriarakku iluaqutigisinnaasannik ujartuivunga, waist trainerit iluaqutaasinnaasut paaseriarakku misiliivunga iluaqutigilluarlugulu. Qiterlussaaginnarnangali naartoreerninni naakka millisivissinnaajunnaaqqasakka kusatsikkiartulerput. Naartuninni naamma nukii avissaarsimasut utertikkiartuutaa naanni imeq uninngaannalernikoq katagartillugu, timiga nuannarineruleriartoqqilerlugu.
Meerartaareerninni aamma puallajatsinnikuuninnut puallaqqajaavallaarnaveersaatitut atortarpara, aamma sukujunngerfeqartarama. Iluaqutigilluariarakkit taamanimiit kalaalerpassuit qiterluttartut, scoliosertut, sanigorsertut qitiminnilluunniit peqingatitsisoortartut iluaqutigilluassammassuk pisiassaatigilerpakka. Pisisarfiga 2020-mi matusariaqalermat allanik misilittaarujoorpunga, pisiassaaleqqissanersut apersorneqartuarama pisisartorpassuit allanik periarfissaqartinniarlugit. Iluarisannik nassaariarama aaliangerpunga pisiassaatigileqqinniarlugit. Ataani assimi takusinnaavat qiterluttarninnuinnaq iluaqutiginagit iluserissiartortunga.
Uuttortarnikka waist trainereqarnanga uuttortagaapput
Malitassiaq
Waist trainererneq aallarteqqaarnerani ipiannguneq, niaqorloqqajaaneq inuunilunnerlu takkussinnaapput, taamaattumik malitaqarluni iluarnerpaasarluni. Amerlasuut waist trainer kukkusumik ingerlattarpaat, angusarissaarnerusinnaagaluarlutik qanoq ingerlannissaanut siunnersorneqarnikuunnginnamik unittoortarput. Aammattaaq sannarlutaannginnissaa pitsaasuunissaalu pingaaruteqarpoq.
Ukiut sisamat ingerlanerini ilikkakkakka qanorlu iluaqutiginerunissaanut paasisakka malillugit qaammammut malitassiorpunga, pisisartut angusarissaarnerutikkusullugit unittoornissarlu ungasinnerutinniarlugu. Qaammammut malitassiaq paasiuminartuuvoq ullormullu qanoq ingerlannissaanut nalunaaqutalersoriikkamik allattuiffissartalerlugu, unittooqattaannginnissaq timimullu peqqinnarnerusumik Waist Trainer ingerlanneqarnissaa anguniarlugu.
Waist Trainerit steppikkaarlugit
Waist trainererneq aatsaat misilileraanni ipianngoqqajaanarsinnaasarpoq, taamaammat aallarterlaajulluni waist trainer qerattaqqutai ikinnerusut aallartissutigalugu sukangasumik atugaqarnissat sungiusaqqaarsinnaavat, naammassiguillu qerattaqquteqarneq ingerlassinnaallugu.
Taamaattumik aatsaat misiliileruit Step 1 Tummy Wrap ilinnut tulluartuuvoq. Pingasunik tunuatigut qerattaqquteqarpoq.
Misileereernikuuguilli aammalu misileereernikuunngikkaluarlutit ipianngujanallu ippigusujasuunngikkuit STEP 2 Latex aallartissinnaavat. Qulingiluanik qerattaqquteqarpoq.
Angusinnaasaq
Waist trainernermi suna angussallugu naatsorsuutigissaviuk?
Qitivit nalaa saanneruleriartussaaq, naanni orsoq peerneq ajulikkat katakkiartussaaq, qiterluttaruillu qiterluttarnerit annikilliartussalluni. Timersorlutit atortarukku kusanarnerusumik nukitit inissikkiartoqqilissapput. Diastasis Recti-rtunut una timersuut tulluartuuvoq ajornaatsuullunilu: